સમગ્ર વિશ્વમાં હાલ કોરોના મહામારી કાળો કહેર વર્તાવી રહી છે. પરંતું ધીમે ધીમે હાલત સુધરતી જઈ રહી છે. ત્યારે ગુજરાતમાં મેઘમહેરના કારણે પૂર જેવી પરિસ્થિતિ પણ છે. આ તમામ વચ્ચે ગુજરાતમાં કેટલીક નગરપાલિકાઓમાં પ્રમુખ ઉપપ્રમુખ પદની ચૂંટણીઓ યોજાઈ હતી. આ ચૂંટણીઓ ભાજપ માટે અને ભાજપના નવનિયુક્ત પ્રમુખ પાટીલ ભાઉ માટે માથાનો દુખાવો સાબિત થઈ જવા પામી છે. ભાજપ પહેલીવાર નબળું સાબિત થઈ રહ્યું છે. અને તેનું કારણ છે કોંગ્રેસ નું યુવા નેતૃત્વ.
કોંગ્રેસ ના યુવા પ્રમુખથી માંડીને યુવા ધારાસભ્યો મેદાને પડ્યા છે અને ભાજપને ભોંય ભેગી કરવા માટે દિવસ રાત એક કરવા લાગ્યા છે. પ્રદેશ પ્રમુખ અમિત ચાવડા દિવસરાત ગુજરાતભરના લરવાસ કતીને સંગઠન મજબૂત કરવામાં લાગી ગયા છે. પ્રથમવાર એવું લાગ્યું કે કોંગ્રેસ હવે મજબૂત વિપક્ષ તરીકે ઉભરી રહી છે. 2017ના વિધાનસભા ચૂંટણી બાદ કોંગ્રેસ મજબૂત વિપક્ષમાં આવી છે. ભલે ધારાસભ્યો તૂટ્યા પણ કોંગ્રેસના જુસ્સામાં અને આક્રમકતામાં ઘટાડો જોવા મળ્યો નથી. એનો સાક્ષાત નમૂનો ગતવર્ષે યોજાયેલી પેટાચૂંટણીઓમાં અને હાલમાં યોજાયેલી નગરપાલિકાની ચૂંટણીઓમાં જોવા મળ્યો.
ગુજરાતમાં કોરોના અને વરસાદી માહોલ વચ્ચે રાજ્યમાં કેટલીક નગરપાલિકાઓને લઇને રાજકારણ ગરમાયું છે. ભાજપના ગઢમાં કોંગ્રેસે ગાબડા પાડીને ભાજપ અધ્યક્ષ સી.આર.પાટીલના નાકમાં દમ કરી નાખ્યો છે. કોંગ્રેસે બે દિવસમાં ધડાધડ રાજ્યની 6 નગરપાલિકાઓ પર પોતાનો કબજો જમાવતા ભાજપની ચિંતામાં વધારો થયો છે અને ભાજપ સંગઠન હરકતમાં આવી ગયું છે. કોંગ્રેસના યુવા ધારાસભ્યોએ ભાજપને ઊંઘતું ઝડપ્યું અને કામ તમામ કરી નાખ્યું.
જાણકારી પ્રમાણે, રાજ્યની ધોરાજી, ઉપલેટા, ભાયાવદર અને થરાદ નગરપાલિકા બેઠક પર કોંગ્રેસ ભાજપને હરાવીને સત્તા પર આવી ગઈ છે. બીજી તરફ ખેડબ્રહ્મા, તળાજા નગરપાલિકામાં પણ કોંગ્રેસી પંજો લહેરાતા ભાજપની ચિંતામાં વધારો થયો છે. તો ચોરવાડ, રાધનપુર બેઠક કોંગ્રેસ દ્વારા જાળવી રાખવામાં આવી છે. આમ કોંગ્રેસના યુવા ધારાસભ્યો ગુલાબસિંહ રાજપૂત, અશ્વિન કોટવાલ, રઘુ દેસાઈ અને વિમલ ચુડાસમા મેદાને પડતા ભાજપમાં સન્નાટો છવાઈ ગયો છે.
ભાજપનો ગઢ ગણવામાં આવતી તળાજા નગરપાલિકા પર ભાજપ છેલ્લા 25 વર્ષથી સત્તા પર હતું પણ કોંગ્રેસ સંગઠનની અસરકારક કામગીરી અને ભાજપની અંદરોઅંદર ડખાની પરિસ્થિતિનો લાભ લઈને કોંગ્રેસે આ નગરપાલિકા ભાજપ પાસેથી છીનવી લીધી હતી. 25 વર્ષ પછી તળાજા નગરપાલિકા પર કોંગ્રેસનું શાસન આવ્યું છે. આ સાથે જ કોંગ્રેસે ચોરવાડ નગરપાલિકામાં સત્તા જાળવી રાખી છે. ચોરવાડ નગરપાલિકામાં ધારાસભ્ય વિમલ ચુડાસમાના પત્ની જલ્પાબેન ચુડાસમા બીજી ટર્મ માટે પ્રમુખ તરીકે ચૂંટાઇ આવ્યા છે.
ત્યારે થરાદમાં પણ ભાજપને પછાડી કોંગ્રેસે સત્તા પોતાના હાથમાં લીધી છે. ગત વર્ષે યોજાયેલી થરાદ વિધાનસભાની પેટાચૂંટણીમાં દાયકાઓ બાદ ભાજપને સત્તા વિહોણી કરીને કોંગ્રેસના યુવાનેતા ગુલાબસિંહ રાજપૂત જીત્યા હતા અને તેમના પ્રયત્નો બાદ ભાજપનો ગઢ ગણવામાં આવતા થરાદ નગરપાલિકામાં પણ કોંગ્રેસનો પંજો લહેરાયો હતો. બીજી તરફ ખેડબ્રહ્મામાં પણ ભાજપનો રકાસ ગયો છે. ભાજપ શાસિત નગરપાલિકામાં સત્તાનો ઉલટફેર થયો છે. કોંગ્રેસના ધારાસભ્ય અશ્વિન કોટવાલના પ્રયત્નોને પગલે ભાજપે નગરપાલિકાનું શાસન ગુમાવ્યું છે અને કોંગ્રેસ સત્તામાં આવી છે.
ઉલ્લેખનીય છે કે, ભાજપમાં નવનિયુક્ત પ્રમુખ સી.આર.પાટીલના આવ્યા બાદ આ પહેલી ઇંડાયરેક્ટ ચૂંટણી હતી જેમાં ભાજપ સંગઠનને જોરદાર ફટકો પડયો છે. પરંતુ ડાયરેકટ પાટીલના નેતૃત્વમાં લડાઈ હોય તેવી આ ચૂંટણી નોહતી. પાટીલ ભાઉના નેતૃત્વની કસોટી આગામી સમયમાં યોજાનારી ગુજરાત વિધાનસભાની પેટાચૂંટણીઓમાં થશે. જોકે પાટીલ ભાઉ તેમના સૌરાષ્ટ્ર પ્રવાસ દરમિયાન બફાટ કરી ચુક્યા છે કે આગામી ગુજરાત વિધાનસભાની ચૂંટણીમાં 182 બેઠક માંથી 182 બેઠક ના જીતી બતાવું તો રાજીનામુ આપી દઈશ.
આ પણ વાંચો
- પાટીદાર ક્રાંતિ દિવસે હાર્દિક પટેલ ની મોટી જાહેરાત! યુવાનોને કર્યું આહવાન…જાણો!
- ગુજરાત ભાજપ માં ભંગાણ! કોંગ્રેસ છોડી ભાજપમાં ગયેલા નેતા 16 વર્ષે કોંગ્રેસમાં પાછા ફર્યા!
- લો હવે તો રાહુલ ગાંધી એ પણ કહ્યું મોદી હૈ તો મુમકીન હૈ! જાણો!
- રાહુલ ગાંધી નો શોટ ભાજપનો લોસ! ભાજપની છઠ્ઠ રઝળાવી કોંગ્રેસની ટાઢી સાતમ!
- રાજસ્થાન ભાજપ ધારાસભ્યોનું રિસોર્ટ પોલીટીક્સ! સીએમ રૂપાણી નો ઘટસ્ફોટ!
- હાર્દિક પટેલ નો ચૂંટણી લડવા હુંકાર! પેટા ચૂંટણી બાબતે કહી આ મોટી વાત! જાણો!
- ભાજપ પ્રદેશ અધ્યક્ષ સીઆર પાટીલ ની રેલી સામે હાર્દિક પટેલ નો મોટો દાવ!
- ભાજપની આશા ઠગારી નીવડી! મોઢામાં આવેલો કોળિયો છીનવાયો!
- જાદુગરના કમાલે બચાવી રાજસ્થાન કોંગ્રેસ સરકાર! ગુજરાતમાં પણ બતાવેલો કમાલ! જાણો!
- કોંગ્રેસમાં મોટું ભંગાણ! મોવડીમંડળ ધંધે લાગ્યું, ભાજપ ગેલમાં આવ્યું!
- યુવા પાટીદાર નેતા હાર્દિક પટેલ ની એપોઇન્ટમેન્ટથી આ લોકોમાં ફફડાટ!
- પેટા ચૂંટણી ને લઈને ભાજપમાં ગભરામણ! ભર ચોમાસે આવ્યો રાજકીય ગરમાવો!
- કોંગ્રેસ માંથી ભાજપ માં ગયેલા ધારાસભ્યો ના ઘરના ના ઘાટના! ભાજપ માટે માથાનો દુઃખાવો?
- મુખ્યમંત્રી રૂપાણી નું “મને ખબર નથી” સમગ્ર ભારતમાં થઇ રહ્યું છે ટ્રેન્ડ!
- TikTok પર બેન બાદ આ મોટી કંપનીની જાહેરાત TikTok કરતાં પણ સારું પ્લેટફોર્મ પુરૂ પાડશે!
- મુખ્યમંત્રીએ અમિત શાહ ને લીધા આડે હાથ! અમિત શાહને પૂછ્યું ચૂપ કેમ છો?
- ગુજરાતમાં પેટા ચૂંટણી નો ધમધમાટ! રાજકીય હલચલ શરૂ! આ તારીખે થશે મોટી જાહેરાત!
- રાજ્યસભા ચૂંટણી વખતે નાટક કરનાર છોટુ વસાવા અને તેમના પુત્રએ હવે નવું નાટક શરૂ કર્યું!?
- કેમ બાબાની બુટી કોરોનીલ ને સરકારી ના? થઇ પોલીસ ફરિયાદ! જાણો કેમ!
- ચીન સાથે ઘર્ષણ બાદ ભારતનો ભારતીય સેના તરફે મોટો નિર્ણય! ચીની સેનામાં ફફડાટ.
