છેલ્લા ઘણા સમયથી ખોડલધામ ટ્રસ્ટના ચેરમેન અને પાટીદાર અગ્રણી નરેશ પટેલના રાજકારણમાં જોડાવા અને કઈ પાર્ટીમાં જોડાવાની અટકળો વહેતી થઈ છે. કહેવાય છે કે કોંગ્રેસમાં જોડાવું લગભગ લગભગ નક્કી માનવામા આવી રહ્યું છે. નરેશ પટેલ કોંગ્રેસ માં જ જોડાશે એ હજુ નક્કી નથી પરંતુ નારેધ પટેલ ના રાજકારણમાં આવવાનું નક્કી છે આ બાબતે તેમણે એક સર્વે પણ કરાવ્યો હતો. સુત્રોનું માનીએ તો સર્વે લગભગ પૂર્ણ થઈ ચૂક્યો છે. અને ટૂંક જ સમયમાં નરેશ પટેલ પ્રેસ કરીને જાણકારી આપશે કે કઈ પાર્ટી માં જોડાવું. પરંતુ સુત્રોનું માનીએ તો નરેશ પટેલ કોંગ્રેસ માં જોડાશે એ નક્કી જેવું જ છે. પરંતુ સત્તાવાર જાહેરાત બાદ જ આ ચર્ચા અને અટકળો સાચી ઠરશે. પરંતુ સાંસદ સભ્ય અને ધારાસભ્યએ ખુલ્લું સમર્થન જાહેર કર્યું અને ચૂંટણી લડવા સુંધીની વાત કહી દીધી છે.
આગામી એક વર્ષમાં ઘણા રાજ્યોમાં વિધાનસભાની ચૂંટણીઓ યોજાવા જઈ રહી છે. આમાં ગુજરાતની ચૂંટણી સૌથી મહત્વની છે. કોંગ્રેસ પાર્ટી ગુજરાતમાં પોતાનો જનાધાર અને ગુમાવેલી વિશ્વસનીયતા પાછી મેળવવા માટે બનતા પ્રયાસો કરી રહી છે. તેને જોતા પાર્ટીની રાજ્ય એકમ અને રાજ્યના નેતાઓ પણ પોતપોતાના સ્તરેથી તૈયારીઓમાં લાગી ગયા છે. ગુજરાતમાં ઉદ્યોગપતિ અને પાટીદાર નેતા નરેશ પટેલને કોંગ્રેસ પક્ષમાં લાવવાની ચર્ચા ચાલી રહી છે. જોકે, નરેશ પટેલે હજુ સુંધી પોતે કઇ પાર્ટીમાં જોડાશે એ સ્પષ્ટ જણાવ્યું નથી પરંતુ કહેવાય છે કે તેઓ કોંગ્રેસ માં જ જોડાઈ શકે છે એ લગભગ લગભગ નક્કી જ છે. અને આ બાબતે ખુદ કોંગ્રેસના અગ્રીમ કક્ષાના નેતાઓ તેમની મળી ચુક્યા છે તેઓ પોતે પણ વિપક્ષ મજબૂત હોવો જોઈએ નું સૂચક નિવેદન આપ્યું હતું.
નરેશ પટેલને રાજ્યસભાના સાંસદ અને ધારાસભ્યો એ પણ સમર્થ આપવાનું ચાલુ કરી દીધુ છે. જણાવી દઈએ કે કોંગ્રેસના દિગ્ગજ નેતા શક્તિસિંહ ગોહિલે કહ્યું કે, સારા લોકો કોંગ્રેસમાં જોડાય તો સ્વાગત થશે, કેટલીક બાબતોના ઢંઢેરા પીટવાના ન હોય એટલે મીડિયા મિત્રો રાહ જુએ. આગામી સમયમાં જાહેર થઈ જ જશે. શક્તિસિંહ ગોહિલ ના સૂચક નિવેદન બાદ નરેશ પટેલનો કોંગ્રેસમાં રાજ્યાભિષેક લગભગ નક્કી જ છે તેવું લાગી રહ્યું છે. જણાવી દઈએ કે શક્તિસિંહ ગોહિલ કોંગ્રેસ પાર્ટી માંથી રાજ્યસભાના સાંસદ છે અને તેઓને કોંગ્રેસ અધ્યક્ષ સોનિયા ગાંધીના સૌથી નજીકના અને વિશ્વાસુ માનવામાં આવે છે. શક્તિસિંહ ગોહિલ ને કોંગ્રેસના દિવંગત નેતા અહમદ પટેલના પણ વિશ્વાસુ અને નજીકના વ્યક્તિ ગણવામાં આવે છે.
શક્તિસિંહ ગોહિલના સૂચક નિવેદાંબાળ અન્ય એક ધારાસભ્ય એ નરેશ પટેલનું સમર્થન કરતા રાજકીય ગરમાવો આવી ગયો છે. આમ જોઈએ તો હાલમાં પક્ષ બદલવાની મોસમ આવી છે. નેતાઓ કોંગ્રેસ માંથી સત્તાપક્ષ માં જઇ રહ્યા છે ત્યારે ખોડલધામ ટ્રસ્ટના ચેરમેન અને પાટીદાર અગ્રણી નરેશ પટેલના રાજકીય પ્રવેશ અંગે રાજકારણ ગરમાયું છે. જેમાં કોંગ્રેસના ધારાસભ્યના નિવેદન બાદ વધારે ગરમાવો અવાઈ ગયો છે. કોંગ્રેસના ધારાસભ્ય લલિત વસોયા નરેશ પટેલને કોંગ્રેસ પક્ષમાં જોડવા માટે આમંત્રણ આપ્યું અને કહ્યું કે, નરેશ પટેલ કોંગ્રેસમાં આવે તો હું મારી સીટ ખાલી કરવા તૈયાર છું. નરેશ પટેલને ધોરાજી અને ઉપલેટાથી કોંગ્રેસ ટિકિટ આપશે તો હું મારી સીટ ખાલી કરવા તૈયાર છું અને હું નરેશભાઈને ખંભે બેસાડીને ચૂંટણી લડાવીશ. સૌરાષ્ટ્રના ધારાસભ્ય લલિત વસોયા દ્વારા આપવામાં આવેલા નિવેદન બાદ રાજકીય ગરમાવો આવ્યો છે.
લલિત વસોયા બાદ સૌરાષ્ટ્રન અન્ય એક ધારાસભ્ય લલિત કગથરા દ્વારા નરેશ પટેલ ને કોંગ્રેસમાં સમાવવા બાબતે નિવેદન આપવામાં આવ્યું છે. લલિત કગથરાએ કહ્યુ કે, નરેશ પટેલ સાથે પ્રદેશ અને કેન્દ્રીય કક્ષાના આગેવાનો કોંગ્રેસમાં લેવા ચર્ચા કરી રહ્યા છે. નરેશ પટેલનો પરિવાર કોંગ્રેસની વિચારધારા ધરાવે છે. મેં અનેકવાર નરેશભાઈ સાથે સંપર્ક કર્યો છે. નરેશ પટેલ કોંગ્રેસમાં આવે તો ગુજરાતના યુવાનો અને ખેડૂતોને મોટો ફાયદો થશે. સૌરાષ્ટ્રના બે પાટીદાર ધારાસભ્યોએ નરેશ પટેલના સમર્થનમાં આવી ગયા છે અને કોંગ્રેસમાં આવવા આમંત્રણ આપી દીધું છે. અને સાથે સાથે બંને ધારાસભ્યોએ જણાવ્યું કે નરેશ પટેલ કોંગ્રેસ માં આવશે તો યુવાનો અને ખેડૂતોને ફાયદો થશે. જેને સુચક માનીએ તો નરેશ પટેલ નું કોંગ્રેસમાં આગમન નિશ્ચિત છે.
જણાવી દઈએ કે નરેશ પટેલ શ્રી ખોડલધામ ટ્રસ્ટના અધ્યક્ષ છે અને રાજનૈતિક દ્રષ્ટિએ તેમનું કદ અને રૂતબો મજબૂત છે. રાજનૈતિક પંડિતોનું માનવું છે કે જો નરેશ પટેલ કોંગ્રેસ સાથે જોડાશે તો કોંગ્રેસને પાટીદાર સમુદાયનું પણ સમર્થન મળશે. પાટીદાર સમાજ દરેક દ્રષ્ટિએ ગુજરાતમાં પ્રભાવશાળી છે ખાસ કરીને રાજકીય રીતે. આમ તો સમગ્ર ગુજરાતમાં પાટીદાર સમાજ પ્રભુત્વ ધરાવે છે પરંતુ મુખ્યત્વે સૌરાષ્ટ્રમાં પાટીદાર સમાજનું રાજકીય સામાજિક બળ વધારે છે. પાટીદાર નેતા નરેશ પટેલને પક્ષમાં લાવવા માટે દરેક પક્ષના નેતાઓ રૂબરૂ મુલાકાતલઈને આમંત્ર આપી ચુક્યા છે. ભાજપ પ્રમુખ તો તેમને આવકારી ચુક્યા છે. જ્યારે આમ આદમી પાર્ટીના નેતાઓ પણ આમંત્રણ આપી ચુક્યા છે અને એક ચર્ચા તો એવી હતી કે તેઓને પંજાબમાંથી રાજ્યસભા પણ ઓફર કરવામાં આવી હતી.
તો કોંગ્રેસના કેટલાક વરિષ્ઠ નેતાઓ તેમનો સંપર્ક કરી ચૂક્યા છે. જેમાં ગુજરાત કોંગ્રેસના નેતા ભરતસિંહ સોલંકી નરેશ પટેલ સાથે બેઠક કરી ચુક્યા છે અને તેમને કોંગ્રેસમાં આવવા માટે માનકવી ચુક્યા છે. આ ઉપરાંત મોટું નામ અને કોંગ્રેસના પૂર્વ પ્રભારી તેમજ રાજસ્થાનના મુખ્યમંત્રી અશોક ગેહલોત પણ નરેશ પટેલ ને કોંગ્રેસમાં આવવા માટે મહત્વપૂર્ણ બેઠક કરી ચુક્યા ની ચર્ચા છે. જણાવી દઈએ કે 2017ની ગુજરાત વિધાનસભા ચૂંટણીમાં જ્યારે અશોક ગેહલોત ગુજરાત કોંગ્રેસના પ્રભારી હતાં ત્યારે પણ નરેશ પટેલ ને કોંગ્રેસમાં જોડાવા માટે આમંત્રણ આપી ચુક્યા હતાં. રાજસ્થાન મુખ્યમંત્રી અશોક ગેહલોત અને નરેશ પટેલ વચ્ચે સારા સંબંધ હોવાનું પણ માનવામાં આવી રહ્યું છે. જો નરેશ પટેલ કોંગ્રેસ સાથે જોડાય તો ગુજરાતમાં કોંગ્રેસ સત્તામાં વાપસી કરી શકે છે અને ભાજપ પોતાનો ગઢ ગુમાવી શકે છે.
