મહારાષ્ટ્ર માં ભાજપ દ્વારા નિષ્ફળ રીતે અને ગેરબંધારણીય રીતે સરકારનું ગઠન કરવામાં આવ્યું હતું જે માત્ર 72 કલાક માં જ પડી ગઈ હતી અને ત્યાર બાદ શિવસેના, એનસીપી અને કોંગ્રેસ દ્વારા સરકાર બનાવવામાં આવી અને ઉદ્ધવ ઠાકરે મુખ્યમંત્રી બન્યા અને ભાજપ ફડણવીસ સરકારની વિદાય થઈ. બસ ત્યાર બાદ થી જ ભાજપમાં પૂર્વ મુખ્યમંત્રી ફડણવીસની વિરુદ્ધમાં પાર્ટીમાં વિરોધી સુર જામ્યા છે. ભાજપનો આંતરિક કલહ બહાર આવ્યો છે. ટિકિટ ફાળવણી મુદ્દે અને કેટલાક નેતાઓની ટિકિટ કાપવાનો વિવાદ તો હજુ સમ્યો નથી ત્યારે આંતર કલહએ ભાજપની મુશ્કેલી વધારી છે.
મહારાષ્ટ્ર માં શિવસેના ના ધુરવીરોધી ગણવામાં આવતાં એનસીપી અને કોંગ્રેસ પણ ભાજપના કારણે એક બીજાને સમર્થન આપીને સરકાર બનાવવામાં સફળ થયા. ભાજપ અને ભાજપના નેતા દેવેન્દ્ર ફડણવીસનું અભિમાન અને પાર્ટીમાં પોતે જ સર્વેસર્વા સમજીને મહારાષ્ટ્રમાં સત્તા ખોઈ. અને આજ અભિમાન ધુરવીરોધીઓને એક બીજાના સાથીદાર બનાવ્યા અને મહારાષ્ટ્રમાં એક નવો ઇતિહાસ રચાયો. ભાજપની આડોડાઈના જ કારણે શિવસેનાના મુખ્યમંત્રી બન્યા. જો કે હવે ભાજપમાં આ બાબતે નેતાઓ ખુલીને આવી રહ્યા છે અને નેતાગીરી વિરુદ્ધ આવાજ બુલંદ કરી રહ્યા છે.
ભાજપના એક સમયના દિગ્ગજ નેતા અને મહારાષ્ટ્ર માં ભાજપના તારણહાર ગણવામાં આવતાં ગોપીનાથ મૂંડેની પુત્રી પંકજા મૂંડે એ પણ હવે દેવેન્દ્ર ફડણવીસ સામે લાલ આંખ કરી છે અને વિરોધી સુર ઉઠાવ્યા છે. વિધાનસભામાં કારમી હાર બાદ પંકજા મૂંડે એ હારનો રોષ મુખ્યમંત્રી દેવેન્દ્ર ફડણવીસના નેતૃત્વ પર કાઢ્યો હતો. અને તેમના જેવા કેટલાય નેતાઓ દ્વારા પણ આ બાબતે દિલ્લી સુંધી રજુઆત કરી હતી. પંકજા મૂંડે એ જાહેરમાં સોશિયલ મીડિયા મારફતે પોતે 8-10 દિવસમાં આગામી કયા રસ્તે જવું અને શું નિર્ણય લેવો તે અંગે કાર્યકર્તાઓ સાથે મળીને ફેંસલો કરશે તેમ જણાવ્યું હતું.
પંકજા મૂંડે મહારાષ્ટ્ર વિધાનસભાની ચુંટણીમાં લગભગ 30,000 જેટલા વોટથી પોતાના જ પિતરાઈ ભાઈ ધનંજય મૂંડે સામે હારી ગયા હતા. મહારાષ્ટ્રમાં ભારતીય જનતા પાર્ટી સત્તામાંથી જતાની સાથે જ દેવેન્દ્ર ફડણવીસ સામે અવાજ ઉઠાવવામાં આવી રહ્યો છે. પાર્ટી નેતા પંકજા મુંડેએ ફેસબુક પોસ્ટ દ્વારા શક્તિ પ્રદર્શનના સંકેત આપ્યા છે. પંકજા મુંડેએ 12 ડિસેમ્બરે તેમના પિતા ગોપીનાથ મુંડેના જન્મદિવસ નિમિત્તે સમર્થકોની એક બેઠક બોલાવી છે. અને આજ બેઠકમાં પંકજા મૂંડે કોઈ મહત્વનો નિર્ણય લઈ શકે છે. સૂત્રોના જણાવ્યા પ્રમાણે પંકજા મૂંડે પાર્ટી સાથે છેડો ફાડી શકે છે. પરંતુ તે હકીકત છે કે કેમ તે 12 તારીખે જ ખબર પડી શકે છે.
પંકજા મુંડેએ ફેસબુક પર આ અંગે એક પોસ્ટ મૂકી છે અને આ પોસ્ટમાં લખ્યું છે કે, ચૂંટણીમાં હાર બાદ સમર્થકોના ઘણા ફોન મેસેજીસ આવ્યા હતા અને તેઓ દ્વારા મને મળવા વિનંતી કરવામાં આવી હતી, પરંતુ રાજકીય સ્થિતિ એવી હતી કે સમર્થકોને મળી શકાયું નોહ્તું. ફેસબુક પોસ્ટમાં તેમણે આગળ લખ્યું કે, બદલાયેલા રાજકીય માહોલમાં ભવિષ્ય અંગે નિર્ણય લેવો જરૂરી છે. આવતા 8-10 દિવસોમાં, હું નક્કી કરીશ કે આગળ શું કરવાનું છે, મારે કયા માર્ગે ચાલવાનું છે. આપણી મજબૂતી શું છે તેના પર વધારે ધ્યાન આપવું મહત્વપૂર્ણ છે. પંકજા મુંડેએ કહ્યું, મારે કહેવાનું ઘણું છે. હું આશા રાખું છું કે મારા ‘જવાન’ રેલીમાં ચોક્કસ પહોંચશે.
ઉલ્લેખનીય છે કે, મહારાષ્ટ્રના રાજકારણમાં શિવસેના એનસીપી અને કોંગ્રેસની સરકાર બનતાની સાથે જ મોટા બદલાવ આવી રહ્યા છે. મહારાષ્ટ્રમાં હાલ એવી પણ માહિતી મળી રહી છે કે, પંકજા મૂંડે ભાજપ સાથે છેડો ફાડીને શિવસેના સાથે હાથ મિલાવી શકે છે. પરંતુ આ માત્ર સૂત્રો દ્વારા માહિતી છે પંકજા મૂંડે 12 મી ડિસેમ્બરે તેમના પિતાની જન્મજયંતીના દિવસે શું નિર્ણય લે છે તેની પર હાલતો દરેકની નજર બનેલી છે. પરંતુ પંકજાના બગાવતી તેવર જોતા ચોક્કસ કોઈક અનહોની થવાના સંકેત છે. જો અને તો માં પણ સૌથી મોટું નુકસાન પણ હાલ ભાજપને જ છે.
- આ પણ વાંચો…
- ઉદ્ધવ ઠાકરે મુખ્યમંત્રી બન્યા, ભાજપ અને કોંગ્રેસ બંને માટે મુસીબતો શરૂ! જાણો!
- ફડણવીસ સરકાર પાડવામાં અને અજિત પવારને પાછા લાવવામાં શરદ પવાર ની નહીં પણ આ વ્યક્તિની છે મોટી ભૂમિકા! જાણો!
- શરદ પવાર નો માસ્ટરસ્ટ્રોક! ભાજપ અમિત શાહ પવારની આ ફેંકેલી જાળમાં ફસાઈ ગયા! જાણો!
- મહારાષ્ટ્રમાં અમિત શાહને માત આપ્યા બાદ શરદ પવાર આ કામ કરશે! જાણો!
- ઉદ્ધવ ઠાકરે મુખ્યમંત્રી બન્યા તો ભાજપ માટે મહામુસીબત! ભાજપને અહીં પણ પડશે મોટો ફટકો! જાણો!
