ગુજરાત માં પાટીદાર અગાઉ ભાજપના પ્રબળ સમર્થક હતા, પરંતુ 2015માં હાર્દિક પટેલના નેતૃત્વમાં અનામત આંદોલન દરમિયાન પાટીદારોનું ભાજપથી અંતર વધ્યું હતું. તેની અસર 2017ની ચૂંટણીમાં જોવા મળી હતી, જેમાં PAASએ કોંગ્રેસને સમર્થન આપ્યું હતું. ગુજરાત માં વર્ષના અંતમાં વિધાનસભાની ચૂંટણી થવાની છે. અહીં 25 વર્ષથી ભાજપની સરકાર છે. દરમિયાન પાટીદાર સમાજના સ્ટેન્ડને લઈને ચર્ચાઓ તેજ થઈ રહી છે. પાટીદાર અનામત આંદોલન સમિતિ (PAAS) એ સ્પષ્ટ કર્યું છે કે તે ગુજરાત વિધાનસભામાં ભાગ લેવા જઈ રહી છે. જો કે, કોણ કોની સાથે મેદાનમાં ઉતરશે તે અંગે શંકા સેવાઈ રહી છે, હાલ તો ભાજપ અને કોંગ્રેસ જ વિકલ્પ છે. એમાં પણ હાર્દિક પટેલ જે ભાજપ સામે આંદોલન કરીને ભાજપમાં જ શામેલ થઈ ગયો છે જે બાદ પાટીદારોમાં રોષની લાગણી છે.
હાર્દિક પટેલના ભાજપમાં જોડાયા બાદ પાટીદાર નેતાઓમાં પણ ભાગલા જોવા મળી રહ્યા છે. હોવી કોણ ક્યાં જોડાય ચગે એ આવનારો સમય જ બતાવશે. પરંતુ ભાજપ કોંગ્રેસ સિવાય અન્ય એક આમદ આદમી પાર્ટી પણ એક વિકલ્પ ઉભરીને આવ્યો છે. બીજી તરફ હાર્દિક પટેલના પૂર્વ સહયોગી દિનેશ બાંભણિયાએ દાવો કર્યો છે કે 23 પાટીદાર નેતાઓ વિધાનસભાની ચૂંટણી લડશે, PAAS કન્વીનર અલ્પેશ કથેરિયા અને સહ-કન્વીનર ધાર્મિક માલવિયા આ હકીકતને ટાળી રહ્યા હોવાનું જણાય છે. તેમનું કહેવું છે કે અત્યારે એવી કોઈ યોજના નથી અને બાંભણિયા PAASની કોર કમિટીની ટીમમાં પણ નથી, તેઓ અગાઉ હતા, પરંતુ હાર્દિક પટેલે છોડ્યા પહેલા તેમણે સંગઠન છોડી દીધું હતું.
પાટીદાર અગાઉ ભાજપના પ્રબળ સમર્થક હતા, પરંતુ 2015માં હાર્દિક પટેલના નેતૃત્વમાં અનામત આંદોલન દરમિયાન અંતર વધ્યું હતું. પાટીદાર અનામત આંદોલન દરમિયાન 14 પાટીદાર યુવાનો શહિદ થયાં હતા અને ભાજપની આગેવાની હેઠળની સરકારે PAAS નેતાઓ સામે રાજદ્રોહ સહિતના અનેક કેસો નોંધ્યા હતા. ત્યારબાદ 2017ની વિધાનસભા ચૂંટણીમાં પાટીદારોએ કોંગ્રેસને સમર્થન આપ્યું હતું. જેના કારણે ભાજપને વિધાનસભા ચૂંટણીમાં ફટકો પડ્યો હતો. પાટીદારોનું બીજું ગઢ ગણવામાં આવતાં સુરતમાં ભાજપ અમુક અંશે પોતાની પકડ જાળવી રાખવામાં સફળ રહ્યો હતો. શહેરની 12 વિધાનસભા બેઠકોમાંથી છ બેઠકો પર ભાજપના પાટીદાર નેતાઓનો કબજો છે. કાનાણી અને ઝાલાવડિયા ઉપરાંત અન્યોમાં કાંતિ બલર (સુરત ઉત્તર), વિનુ મોરડિયા (કતારગામ), વિવેક પટેલ (ઉધના) અને પ્રવીણ ઘોઘારી (કરંજ)નો સમાવેશ થાય છે.
હવે પ્રશ્ન એ છે કે શું PAAS 2017નું પુનરાવર્તન કરશે? જો કે, ભાજપના બે નેતાઓ, જેમાંથી એક ભૂતપૂર્વ પ્રધાન છે, આ અઠવાડિયાની શરૂઆતમાં PAASની “તિરંગા યાત્રા” માં હાજરી આપી હતી. દિલ્હી અને પંજાબમાં જીત નોંધાવ્યા બાદ આમ આદમી પાર્ટીની નજર ગુજરાત પર છે. AAP કન્વીનર અરવિંદ કેજરીવાલ અહીં રેલીઓમાં વ્યસ્ત છે. 2021ની મહાનગરપાલિકાની ચૂંટણીમાં પાટીદારોનું પ્રભુત્વ ધરાવતા સુરતમાં 27 બેઠકો જીત્યા બાદ AAPનો ઉત્સાહ વધી રહેલો દેખાઈ રહ્યો છે. કદાચ આ જ કારણ છે કે AAPના એક નેતા દાવો કરે છે કે તેમની પાર્ટી જ પાટીદારો માટે ભાજપનો સામનો કરવાનો એકમાત્ર વિકલ્પ છે. પરંતુ હકીકત અલગ છે. કારણ કે રાજકારણ માં જે દેખાય એ હોતું નથી અને જે ના દેખાય એ હોય છે.
આ પણ વાંચો
ગુજરાત ચૂંટણીને લઈને મોટો સર્વે! આજે ચૂંટણી થાય તો મળશે આશ્ચર્યજનક પરિણામ!
ચૂંટણી પહેલા ગુજરાત કોંગ્રેસ ‘તૈયાર’! વિધાનસભામાં કરશે આ કામ! ભાજપ આપને છૂટશે પરસેવો!
પાટીલ નો પાવર પ્લે! વિપક્ષને વિધાનસભા ચૂંટણી લડતાં પહેલાં જ હરાવવાનો પ્લાન??
અરવિંદ કેજરીવાલ રમ્યા મોટો દાવ! ભાજપને મોટો ફટકો! શાહની રણનીતિ થશે ફેલ?!
ભાજપ ની નીકળી હવા! બન્યો બનાયેલો બગડ્યો ખેલ! સરકાર બનવવાનું રોળાયું સપનું!
