ભારતના અભિન્ન અંગ જમ્મુ કાશ્મીરમાં ભારત સરકાર દ્વારા આર્ટિકલ 370 હટાવવામાં આવતાં પાકિસ્તાન જમીન ખોઈ બેઠું હોય એવા ધતિંગ શરૂ કરીને આખાય વિશ્વના દેશો પાસે ભારત વિરુદ્ધ કાર્યવાહીની ભીખ માંગી રહ્યું છે. અંતે પાકિસ્તાન દ્વારા જમ્મૂ-કશ્મીર બાબતે દુનિયાના તમામ દેશો પાસેથી કોઈ પણ મદદ આ મળતાં વિલા મોંએ પાછા ફરવા સિવાય કોઈ રસ્તો બચ્યો ન હતો. પરંતુ પાકિસ્તાન વિશ્વનું ધ્યાન ભટકાવવા અને પોતાની તરફ આકર્ષિત કરવાના અવનવા પ્રયત્ન કરી રહ્યું છે. પાકિસ્તાનના વડાપ્રધાન અને મંત્રીઓ દ્વારા રોજ બરોજ ભારતને ધમકીઓ આપવામાં આવી રહી છે.
જમ્મુ કાશ્મીર બાબતે ગઈ કાલે પાકિસ્તાન પ્રધાનમંત્રી ઇમરાન ખાન દ્વારા કાશ્મીર અવર્ ના પ્રોગ્રામની જાહેરાત કરવામાં આવી હતી જેમાં બપોરે 12 થી 12:30 સુંધી પાકિસ્તાની જનતાએ કાશ્મીરમાં ભારતના પગલાંને વિરોધમાં પ્રદર્શન કરવાનું હતું. પાકિસ્તાની પ્રધાનમંત્રી ઇમરાન ખાને પાકિસ્તાની જનતાને કાશ્મીરના મામલામાં આગળ આવવા માટે કહ્યુ હતું. જે કાર્યક્રમ સદંતર અસફળ રહ્યો હતો લોકોએ સોસીયલ મીડિયા પર પાકિસ્તાની પ્રધાનમંત્રીને ગાળો આપી હતી અને ટ્રાફિક, રોડરસ્તા રોકવાના કાર્યક્રમનો જ વિરોધ કરી નાખ્યો હતો.
તો આજ પ્રોગ્રામમાં પાકિસ્તાની સરકારમાં રેલ્વે મંત્રી શેખ રશીદ એક સભા સંબોધિત કરતા હતા, જ્યાં તેઓ પોતાની વાત કરી રહ્યા હતા અને ત્યારે જ તેમણે કહ્યું કે અમે તમારી મોદી નીતિથી વાકેફ છીએ, આ મોદી જલસાને રોકી શકશે નહીં. વાત એમ છે કે પાક મંત્રી ક્યારે ભાષણ આપતાં જતા ત્યારે તેમણે પકડેલા માઇકથી તેમને ઝટકો લાગ્યો હતો અને અચાનક હતપ્રત થઇ ગયા હતાં, ત્યાં રહેલા તમામ લોકો ચોંકી ગયા હતાં. જોકે કરંટ લાગ્યો છે તેમ કહેતા હાજર તમામ લોકો હસી પડ્યા હતાં અને પછી તેમણે કહ્યું કે ”યે મોદી ઇસ જલસા કો નાકામ નહીં કર શકતા.”
પાકિસ્તાનના શેખ રશીદ એવા મંત્રીઓમાં શામેલ છે જે સતત ભારત વિરુદ્ઘ ઝેર ઓકતા રહે છે. આ પહેલા પાકિસ્તાન દ્વારા બૈલેસ્ટિક મિસાઈલ ગજનવી સફળ પરિક્ષણ કરવામાં આવ્યા બાદ અહંકાર અને જોશમાં આવી જઈને શેખ રશીદે કહ્યું હતું કે, કાશ્મીરની આઝાદીનાં અંતિમ સંઘર્ષનો સમય આવી ગયો છે અને આ વખતે ભારત સાથે થનારૂ યુદ્ધ અંતિમ રહેશે. આવા બેજવાબદાર ભડકાઉ ભાષણ થકી રશીદ શેખ પાકિસ્તાનમાં યુદ્ધનો ઉન્માદ ફેલાવી રહ્યા છે અને વિશ્વ શાંતિને ડોળવાના પ્રયત્નો કરી રહ્યા છે. સાથે સાથે ભારતને દબાવવાના નાકામ પ્રયાસો કરી રહ્યા છે.
ઉલ્લેખનીય છે કે, પાકિસ્તાની પ્રધાનમંત્રી ઇમરાન ખાને પાકિસ્તાનીઓને અપીલ કરી હતી કે તેઓ કાશ્મીર મુદ્દે પર શુક્રવારે બપોરે 12 થી 12:30ની વચ્ચે પોતાના બધાય કામ ધંધા પડતા મૂકીને રસ્તાઓ પર આવે અને વિશ્વને ભારત વિરુદ્ધ સંદેશ આપે. પરંતુ ઇમરાન ખાનની આ તરકીબ ઉલટી પડી જોકે તેમના કહેવા પ્રમાણે લોકો રસ્તા પર આવ્યા અને રસ્તા રોક્યા દુકાનો બંધ કરી પરંતુ જનતાએ આ તમામ પ્રોગ્રામનો વિરોધ કર્યો સોસીયલ મીડિયા પર આ લોકોએ પાકિસ્તાની પ્રધાનમંત્રીને ટાર્ગેટ કરી પૂછ્યું કે રસ્તા રોકવાનો મતલબ શુ? લોકોને હાલાકી ભોગવવી પડી ટ્રાફિકના કારણે એનું શું?
પાકિસ્તાનના ઘણા શહેરોમાં આ પ્રોગ્રામનો ફિયાસકો પણ થયો હતો. ઇમરાન ખાને પોતે પણ રસ્તા પર જઈને એક સભા સંબોધિત કરી હતી અને આદત પ્રમાણે ફરી ભારત વિરુદ્ઘ ઝેર ઓક્યા. જૂની આદત પ્રમાણે પાકિસ્તાની પ્રધાનમંત્રીએ યુદ્ઘની ખુલ્લી ધમકી આપી અને કહ્યું કે, કાશ્મીરીઓ માટે તેઓ છેલ્લા શ્વાસ સુધી લડશે. ઇમરાન ખાને કહ્યુ કે, ”જો ભારત પાકિસ્તાન અધિકૃત કાશ્મીર પર હુમલો કરે છે, તો પૂરી દુનિયાને નુકસાન થશે તેવુ યુદ્ઘ થશે.” પરંતુ આ પહેલી વાર નથી પાકિસ્તાન ભારતને આવી ધમકી વર્ષોથી આપતું આવી રહ્યું છે. જ્યારે ઇન્દિરા ગાંધી પ્રધાનમંત્રી હતા ત્યારે પણ ઇન્દિરા ગાંધીને કેટલીય વાર પાકિસ્તાન આવી ધમકીઓ આપતું હતું. જેના પરિણામે ઇન્દિરા ગાંધીએ પાકિસ્તાનને આખી જિંદગી યાદ રહે તેવો પાઠ ભણાવ્યો હતો.
