ગુજરાત હાઇકોર્ટમાં બુલેટ ટ્રેન પ્રોજેક્ટ મામલે થયેલી અરજીમાં હાઇકોર્ટે સરકાર સામે કડક વલણ અપનાવ્યું છે. ગુજરાત હાઈકોર્ટે સરકાર સામે સવાલ ઉઠાવ્યો કે બુલેટ ટ્રેનના પ્રોજેક્ટ માટે રાજ્ય સરકાર શા માટે જમીન સંપાદન કરી રહી છે? અને એકથી વધુ રાજ્યો માટેના પ્રોજેક્ટમાં જમીન સંપાદનની સત્તા કેંદ્રને હોય તેવા સંજોગોમાં રાજ્ય સરકાર શા માટે જમીન સંપાદનની કામગીરી કરી રહી છે?
વધુમાં ગુજરાત હાઇકોર્ટે જંત્રીના ભાવો ઉપર પણ સરકારને સવાલ કર્યો અને કહ્યું ખેડૂતો પાસેથી સંપાદિત કરવાની જમીન મામલે અન્યાય થાય તે કેવી રીતે ચલાવી લેવાય?
ગુજરાત હાઈકોર્ટે સરકારને આ તમામ મુદ્દાઓ પર સોમવાર સુધીમાં જવાબ રજૂ કરવા માટે આદેશ આપ્યો છે.
